Сон на Манчестер Јунајтед му даде гол директно од корнер

Тотенхем се пласираше во полуфиналето на ЕФЛ купот со победата од 4:3 против Манчестер Јунајтед, а Сон Хјон-мин постигна гол директно од корнер.

Спарс водеа со 3:0 по 54 минути игра, благодарение на двата гола на Доминик Соланке и еден на Дејан Кулушевски, а потоа се чинеше дека натпреварот е завршен.

Сепак, Џошуа Зиркзе и Амад Диало со два гола ја вратија неизвесноста во мечот, но сите сомнежи за победникот ги отстрани Сон Хјон-мин со гол од корнер во 88. минута.

Ова не беше крај на головите на овој натпревар, бидејќи Џони Еванс го постигна конечниот резултат во 4. минута од судиското надополнување.

Тотенхем - Манчестер Јунајтед 4:3
15', 54' Доминик Соланке, 46' Дејан Кулушевски, 88' Сон Хјон-мин - 63' Џошуа Зиркзе, 70' Амад Диало, 90'+4 Џони Еванс

Покрај Спарс, во полуфиналето се и Арсенал, Њукасл и Ливерпул, а жрепката одлучи двојките да бидат Арсенал - Њукасл и Тотенхем - Ливерпул.