Состојбата на човековата слобода во 195 земји од светот и 15 територии за 2020 година вели дека кривата за човековите права не оди нагоре, туку надолу.
Веќе 15-та година со ред како слободата на глобално ниво е во опаѓање. Точно е дека 2020 година беше турбулентна со пандемијата, воените конфликти и економската нестабилност, што резултираше со тоа демократијата да претрпи низа удари од страна на авторитарните поборници кои доведоа до интернационален дисбаланс во полза на тиранијата.
Дури 75% од светското население живее под влади чии демократии доживеале пад во 2020. Лани, статусот слободна демократија го загуби Индија која сега е делумно слободна. Индија важеше за најголемата земја со демократија во светот.
Загрижувачки е и падот на САД чии поени за демократија од 86 се намалија на 83 поради целата фарса околу претседателските избори.
Шведска, Норвешка и Финска остануваат земји со највисоки поени на листата на слободни земји, додека Еритреја, Јужен Судан и Сирија се рангирани најниско.
За неслободни држави во Европа се категоризирани Турција, Белорусија, Русија и Азербејџан. За делумно слободни на Стариот континент се Унгарија, Украина, Србија, Северна Македонија, Албанија, Босна и Херцеговина, Црна Гора, Косово, Молдавија, Грузија и Ерменија.
Во Јужна Америка единствена неслободна е Венецуела, додека во Северна Америка тоа се Куба и Никарагва.
Во Африка најголемиот дел се неслободни, а слободни се само Тунис, Гана, Ангола, Замбија и Јужна Африка.
Во Азија слободни се Израел, Монголија, Јужна Кореја, Јапонија, Тајван и Источен Тимор, додека во Океанија нема неслободни, а делумно слободни се само Папуа Нова Гвинеја и Фиџи.
