Филмот „Space Jam: A New Legacy“ со Леброн Џејмс заработи 31,6 милиони долари во Северна Америка минатиот викенд, пренесе CNN.
Ова беше вистинско изненадување во филмската индустрија со оглед на тоа дека филмските критичари очекуваа заработка од 20 милиони долари од премиерното прикажување.
Продолжението на големиот хит „Space Jam“ од 1996 година со Мајкл Џордан сега акцентот го поставува околу НБА шампионот Леброн Џејмс.
Со буџет од 150 милиони долари, филмот беше достапен на стриминг сервисот HBO Max без дополнителна наплата за претплатниците. Иако голем дел од публиката може да го гледа филмот од дома, изгледа дека повеќето сепак се одлучиле за кино.
На второто место се најде „Black Widow“ на Marvel, со заработка од 16,3 милиони долари во Северна Америка, во вториот викенд на прикажување.
Досега овој филм, со буџет од 200 милиони долари, има заработка од 264 милиони долари на светскиот бокс-офис.
