Случајно било пронајдено бебе сокол кое било нападнато од група чавки по што било спасено и однесено зо Зоолошката градина.
Вработени во ЈП „Паркови и зеленило“ - Скопје при вршење на своите работни должности во населбата Карпош 4 приметиле група на чавки како напаѓаат бебе сокол. Го спасиле од агресорите и го однеле во Зоолошката градина.
„При извршување на редовните активности нашите вработени од пунктот во Карпош 4 спасија од сигурна смрт бебе сокол од видот ветрушки. Малата птица беше падната на земја и опколена со чавки кои ја колваа и сигурно ќе настрадаше доколку работниците не ја спасија и ја однесоа во Зоолошката градина од каде ќе биде предадена на одгледувач - љубител на птици на опоравување и згрижување“, стои во соопштението на П „Паркови и зеленило“.
