Возрасната граница за младите фудбалери кои добиваат шанса да играат на највисоко ниво постојано се менува во последните години, но еден важен рекорд во англиската Премиер лига е стар дури 20 години.
Имено, пред речиси точно 20 години, на 10 април 2005 година, Џејмс Вон постигна гол за Евертон на 16 години и 270 деноци, со што стана најмладиот стрелец во историјата на Премиер лигата.
Оттогаш никој не го надмина рекордот и Вон сè уште го држи, иако неговото име е целосно непознато за повеќето фудбалски фанови.
Тогаш Вон постигна гол во победата на Евертон над Кристал Палас од 4:0. Тогаш Вон ги надмина Џејмс Милер и Вејн Руни како најмлади стрелци.
Вон ја заврши кариерата пред четири години, на само 32 години, а по Евертон играше за Дерби Каунти, Лестер Сити, Кристал Палас, Норич Сити, Хадерсфилд Таун, Бирмингем Сити, Бери, Сандерленд, Виган Атлетик, Портсмут, Бредфорд Сити и Транмир Роверс.
Во Хадерсфилд Вон остави најдлабока трага, постигнувајќи 33 голови и давајќи 7 асистенции на 95 натпревари, а за Евертон забележа вкупно 61 настап и постигна 9 голови.
Вон беше и младински репрезентативец на Англија со 4 настапи за У21 репрезентацијата, а по играчката се посвети на тренерската кариера.
Работеше како тренер на позајмените играчи во Евертон, беше спортски директор на Транмир, а моментално е скаут во младинската академија на клубот од „Гудисон Парк“.
Интересно, Вон пред да почне да тренира фудбал како дете тренирал атлетика и кога имал 13-години истрчќал 100 метри за 11,5 секунди, што тогаш било трето најбрзо време во цела Британија за таа возрасна категорија.
