Левиот бек на фудбалската репрезентација на Македонија, Езѓан Алиоски, ја заврши авантурата во Саудиска Арабија. Алиоски реши да се врати во Европа, во новата сезона ќе го носи дресот на Лугано.
Езѓан Алиоски, стрелец на 13 голови во 85 настапи за Македонија, од 2021 година го носеше дресот на Ал Ахли. Не успеа да се наметне и не доби вистинска шанса, една сезона дури мина и на позајмица во Фенербахче.
Органичената минутажа го натера да се врати во Швајцарија, и тоа токму таму каде што започна да ја гради успешната кариера.
Алиоски потпиша со Лугано, тим чиј дрес го носеше во сезоните 2015/2016 и 2016/2017.
„Лугано повторно го пречекува Езѓан со голем ентузијазам и самодоверба, убедени дека неговиот придонес ќе биде клучен во патот на раст на групата и во остварувањето на спортските цели“, објави клубот.
Со швајцарскиот тим, Алиоски потпиша договор до јуни 2027 година.
