Алонсо отпуштен по расправија со тројца клучни играчи, проблемите почнале во октомври

Шаби Алонсо повеќе не е тренер на Реал Мадрид, а The Athletic објави дека причината за неговото заминување биле несогласувањата со клучните играчи - Винисиус Жуниор, Федерико Валверде и Џуд Белингам.

Баскиецот првично имаше успешен старт со 17 победи во своите први 20 натпревари, но резултатите на тимот неодамна се влошија.

Проблемите наводно започнале за време на натпреварот против Барселона во октомври 2025 година, кога Алонсо се судрил со Винисиус откако го заменил и покрај победата.

Бразилецот бил незадоволен од замената и одбил да се ракува со тренерот, а Реал не презел дисциплински мерки против играчот во тоа време.

Алонсо наводно чувствувал дека ја губи контролата и не бил поддржан од управата, додека Валверде и Белингам имале проблеми со неговиот стил на управување и тактички одлуки.

Англичанецот имаше истакната улога во тимот во текот на изминатите две сезони, но оваа сезона се мачи со формата и под водство на Алонсо веќе не беше сигурен стартер во средниот ред.

Од друга страна, Валверде, поради неговата разноврсност, често играше на различни позиции, што го оддалечи од неговата претпочитана улога во средината на теренот.

Баскискиот стратег во Реал издржа 7 меси и 12 дена, за кои одигра 34 натпревари остварувајќи 24 победи, 4 нерешени и 6 порази со гол-разлика 72:38. Не успеа да му го донесе на Реал пехарот од Светското клупско првенство, како ни шпанскиот Суперкуп, кој се чини му пресуди откако го загуби финалето од Барса со 3:2 во неделата.