Фудбалерите на Арсенал сѐ уште се на чело на Премиер лигата, но шокантниот пораз од Борнмут на нивниот стадион и тоа како ги потресе. Тренерот Микел Артета се надева и повикува на мудрост, бидејќи борбата за титулата шампион на Англија влезе во последната фаза.
Не е ни чудо што неговиот тим имаше двојно повеќе шутеви кон голот, кога противникот искористи два од своите трите удари.
„Бевме далеку под нашето ниво, ова е шокантен, разочарувачки и болен удар за играчите. И треба да ги повреди. Мора да им биде јасно дека повеќе нема простор за сива зона, најважно сега е како ќе реагираме. Или веднаш ќе станеме и ќе се бориме или ќе нѐ нема“, сè му е совршено јасно на Баскиецот.
Лондонскиот тим во еден момент имаше шанса да освои четири трофеи, но не успеа да ги освои ФА купот и Лига купот. Остануваат во трка за највредниот домашен трофеј, како и за оној од Лигата на шампионите. Во второто натпреварување водат со 1:0 во четвртфиналниот реванш со Спортинг, што е убава, но премногу слаба основа за претерано оптимистички ставови.
„Имаме голема недела пред нас. Многу работи се во прашање. Сè уште сме во добра позиција во обете натпреварувања, но треба да се подобриме во Премиер лигата и Лигата на шампионите. Сè зависи од играчите“, истакна предводникот на Арсенал.
Борнмут синоќа во Лондон поведе преку Ели Жуниор Крупи во 17-тата минута. Во 35-тата Виктор Ѓекереш израмни од пенал најавувајќи пресврт, кој сепак не се случи. Напротив, Алекс Скот во 74. минута донесе ново водство за гостите кое остана до крајот.
