Самуел Асамоа, 31-годишен играч од средниот ред на Того, е во критична состојба и се соочува со „висок ризик од параплегија“ по сериозен судир со билборд за време на натпревар од втората кинеска лига.
Асамоа играше за Гуанси Пингуо против Чончин Тонлианлон, а по дуел со противничкиот играч со главата удри во билборд до теренот и падна на тревата.
Лекарите реагираа брзо, а клубот објави дека Асамоа претрпел повеќекратни фрактури на вратот и сериозно оштетување на нервниот систем.
Chongqing Tongliang Dragon defeated Guangxi Pingguo Haliao 2:0 to regain momentum. The referee, however, seemed to turn a blind eye to their rough challenges. As per Guangxi's medical report, Samuel Asamoah has injured spinal cord. His future career - even life, is at risk. pic.twitter.com/dfV5CvYO75
— China Sports Vision 2050 (@CSV2050) October 6, 2025
Фудбалерот бил опериран и ќе го пропушти остатокот од сезоната, но неговата кариера е во сериозна опасност. Ова е затоа што параплегијата значи губење на способноста за движење на долните делови од телото.
Асамоа има одиграно 7 натпревари за репрезентацијата на Того. Поголемиот дел од својата кариера го помина во Белгија играјќи за Еупен, Левен и Син-Трујден, а во 2021 година се пресели во романската У Крајова. Од минатата година е во Кина, прво во дресот на Чиндао Ред Лајонс, а од годинава во Гуанси Пингуо.
