Астон Вила се засили со Руџери и Сузуки

Астон Вила го објави дека тимот се засилил со двајца нови играчи и тоа дефанзивецот Матео Руџери и голманот Зајон Сузуки, за вкупна трансфер цена од 51,3 милиони фунти.

Руџери пристигна од Атлетико во договор вреден 21,4 милиони фунти, а италијанскиот лев бек ќе го замени Лука Дињ на „Вила Парк“, по неговиот трансфер во Пари Сен-Жермен. Италијанецот во Мадрид мина само една сезона по доаѓањето од Аталанта. Беше стандарден, играјќи вкупно 47 натпревари 

Вила го потпиша и јапонскиот голман Сузуки. 23-годишникот се смета за еден од најдобрите млади голмани во Европа и доаѓа од Парма за нешто помалку од 30 милиони фунти. Тимот на Унаи Емери го нарече Сузуки „еден од најсветлите надежи во играта на неговата позиција“. Јапонецот роден во САД со габонско потекло си замина од „Енио Тардини“ по две сезони во кои одигра вкупно 59 натпревари.

Руџери и Сузуки станаа третото и четвртото засилување на клубот ова лето. Вила веќе го доведе играчот од средниот ред на Фрајбург, Швајцарецот Јохан Манзамби, во договор што е рекорден за клубот, а во својот состав го додаде и играчот од средниот ред на Вулверхемптон, Жуау Гомеш.

Трансферите доаѓаат среде летото на големи промени во Вила. Морган Роџерс замина во Челси за договор од 117 милиони фунти, додека Јури Тилеманс и Лука Дињ заминаа во Манчестер Јунајтед и ПСЖ, соодветно.

Сомнежите остануваат и околу Еми Мартинес и Оли Воткинс, за кои има интерес од Саудиска Арабија. Ал-Хилал достави понуда од 45 милиони евра за Воткинс, кој наводно е отворен за трансфер. Се зборува и дека Арсенал е во завршни преговори за ангажман на Езри Конса. За репрезентативниот бек на Англија наводно ќе платат 60 милиони фунти.

Јувентус беше силно заинтсересиран и за Сузики и за Еми Мартинес, но на крајот остана без двајцата.