Вечерва, Барселона ќе го пречека Виљареал во 37. коло од шпанската Ла Лига. Ова ќе биде можност за играчите на Барса да им се претстават на своите навивачи како шампиони на Шпанија, со оглед на тоа што титулата ја освоија минатото коло со победата на гости против Еспањол.
Тренерот на Барселона, Ханси Флик, пред денешниот натпревар изјави дека ќе има ротација во составот, а исто така ја најави и можноста за состав кој би можел да испише историја за клубот.
Флик рече дека размислува да започне утре со сите играчи кои поминале низ Ла Масија, легендарната младинска академија на Барселона.
„Разговаравме за потенцијален состав со сите 11 играчи од Ла Масија. Постои шанса тоа да се случи“, рече Флик.
Доколку Флик навистина го стори ова, тоа ќе биде прв пат во 125-годишната историја на Барселона сите 11 стартери на официјален натпревар да бидат производи на нивната фудбалска академија.
Составот на Барселона кој би можел да излезе на терен вечерва во 19 часот треба да изгледа вака: Ињаки Пења, Ектор Форт, Пау Кубарси, Éрик Гарсиа, Давид Одуро, Марк Касадó, Гави, Фермин Лóпес, Тони Фернáндес, Ансу Фати, Ламин Јамал.
