Бенфика со видео доказ ги поби тврдењата на играчите на Реал

Фудбалската сцена во Европа не се смирува по земјотресот на натпреварот меѓу Бенфика и Реал Мадрид, во кој шпанскиот тим доби предност пред реванш плејофот за осминафиналето од Лигата на шампионите со еден, но вреден гол на Винисиус Жуниор.

Сето тоа поради настаните по голот, кога домашниот играч Џанлука Престиани реагираше на провокативната прослава на црниот Бразилец наводно нарекувајќи го мајмун, а вториот веднаш долета кај судијата и пријави расизам. Потоа одби да продолжи да го игра натпреварот, по што главниот судија го активираше протоколот за вакви ситуации.

Натпреварот продолжи по некое време, но изјавите летаа во сите правци. Винисиус го нарече гореспоменатиот Аргентинец, домашната публика и сите расисти во светот „кукавици и слабаци“, Престиани негираше дека зборовите имале таква конотација, а се огласи и Бенфика.

Од таборот на Португалскиот клуб објавија видео со кое прашуваат како можел Килјан Мбапе, кој тврдеше дека го слушнал Престиани како пет пати вели „мајмум“, да го слушне тоа иако на растојание од местото каде што се Вини и младиот Аргентинец.

„Како што покажуваат сликите, со оглед на растојанието, играчите на Реал Мадрид не можеле да го слушнат она што тврдат дека го слушнале“, се вели во соопштението на клубот објавено на X, алудирајќи на изјавата на Мбапе.

Како што се гледа на видеото, Мбапе воопшто не реагира кога Престиани му се обраќа на Вини, а не реагира ниту Камавинга, кој е уште поблиску. Напротив, двајцата со чудење гледаат како Вини трча кон судијата.

Оттука, прашањето за играчите на Реал е, ако слушнале дека Престиани рекол „мајмун“, зошто никој од нив не реагираше, туку само Винисиус? Очигледно, затоа што само тој слушнал нешто, што и да било. Престиани рече дека не кажал ништо расистичко, туку дека едноставно Вини погрешно го разбрал. И тоа многу повеќе одговара на ситуацијата, со оглед на немањето реакција ниту од Камавинга, ниту од Мбапе, кои се во близина, а патен, двајцата се од црната раса.

„Заедно, со тебе сме“, му порачаа од Бенфика на својот аргентински фудбалер.