Билети за вечерашниот квалификациски натпревар Македонија - Казахстан ќе можат да се набават и на билетарницата во склоп на Националната арена „Тодор Проески“.
Покрај онлајн продажбата која оди преку софтверот на ФФМ, билети ќе може да се набават и физички на билетарницата на Источната трибина, кон Јужна. Но, таа ќе работи од 10 до 17 часот, а не и до почетокот на натпреварот (20:45).
Билети во продажба има за Север и Југ по цени од 400 и 50 денари, како и за Запад од 300 денари, додека Исток со бесплатен влез ќе биде резервиран за младите фудбалери придружувани од своите тренери од Детската лига, фудбалските школи од регионалните лиги и сите млади категории (пионери, помлади пионери, кадети, младинци) во клубовите во системот на натпреварување на ФФМ. Бесплатен влез на источната трибина ќе имаат и сите ученици придружувани од својот родител од основните училишта.
