Бомба од „Чизмата“: Кевин Де Брујне потпишува за Наполи!

Кевин Де Брујне (33) ќе стане нов играч на Наполи, потврди Фабрицио Романо со познатата фраза „here we go“, што значи дека трансферот е завршен и се чека само официјално соопштение.

Белгискиот играч од средниот ред пристигнува како слободен агент по истекот на неговиот договор со Манчестер Сити, каде што остави длабока трага како еден од најдобрите играчи во клубот и светот.

Иако имаше шпекулации за продолжување на кариерата во МЛС или Саудиска Арабија, Де Брујне одлучи да остане во Европа и ќе игра во Лигата на шампионите со Наполи следната сезона. Тој ќе потпише двегодишен договор со можност за продолжување за уште една година. Според претходните извештаи во италијанските медиуми, Наполи му понудил 27 милиони евра за три години.

Ја започнал својата кариера во Генк, а потоа играл за Челси, Вердер, Волфсбург и Манчестер Сити, каде што освоил 18 трофеи од 2015 година, вклучувајќи ја и Лигата на шампионите. Тој има одиграно 111 натпревари за белгиската репрезентација и постигнато 31 гол.

Transfermarkt моментално го проценува на 20 милиони евра.