Бомбата што никој не ја очекуваше: Ливерпул го потпиша капитенот на Барселона

Фабрицио Романо синоќа кратко пред полноќ објави трансфер бомба каква што никој не ја очекуваше - Ливерпул го потпишал капитенот на Барселона, Роналд Араухо.

Како што Романо ексклузивно објави со своето карактеристично „here we go!“, Араухо ќе се приклучи на Ливерпул како позајмен играч од каталонскиот гигант.

Високиот централен бек е член на Барса веќе 8 години (првите две сезони играше за Барса Бе), за која одигра повеќе од 200 натпревари во сите натпреварувања и официјално е капитен на каталонскиот тим.

Трансферот е изненадувачки бидејќи се очекуваше Араухо да остане во Барса по тешката сезона во која имаше проблеми со менталното здравје, а потоа го пропушти и Светското првенство поради повреда иако беше со репрезентацијата.

Ливерпул веројатно ќе има опција да го откупи 27-годишниот уругвајски централен бек.

Пред Барселона, Араухо настапуваше за Бостон Ривер и Ренистас. За Уругвај има 27 настапи и 1 гол. Играше на Копа Америка 2021 и 2024, како и на Мундијалот 2022.