Де Брујнe доби зелено светло за преговори со Наполи

Кевин Де Брујнe има неколку сериозни додворувачи и се чини дека двајца се издвоија: Ливерпул и Наполи. Оние од Саудиска Арабија и МЛС лигата се на третото и четвртото место.

Капитенот на Манчестер Сити има уште две недели обврски во клубот што го славеше во последните 10 години, а според медиумските извештаи, тој им дал зелено светло на своите менаџери да преговараат и со Ливерпул и со Наполи.

Белгиецот сака да донесе одлука и да потпише договор во следните 10 дена за да може мирно да оди на одмор и да ги наполни батериите за нов почеток. Како што истакнуваат италијанските медиуми, на Де Брујне му се допаднал проектот на Наполи и затоа дал зелено светло за оваа можност.

Transfermarkt, пак, јавува дека сериозно заинтересирана е и Астон Вила. Што се однесува до клубовите од МЛС, најголем интерес за Белгиецот има од Чикаго Фајр, а потоа од Интер Мајами, Њујорк Сити и ДиСи Јунајтед.

Финалето на ФА купот помеѓу Кристал Палас и Манчестер Сити ќе се игра в сабота од 17:30 часот на „Вембли“, а потоа можеби ќе биде познато каде Кевин Де Брујне ќе ја продолжи кариерата - во Европа, Саудиска Арабија или Америка.

Де Брујне дојде во Манчестер летото 2015 година од редовиоте на Волфсбург, кога имаше 24 години. Претходно беше во Челси, но таму не го препознаа неговиот талент, му дадоа шанса да одигра само 9 натпревари и го пуштија на позјамица во Вердер. Кариерата ја почна во Генк.

Во 10-те сезони во дресот на „Граѓаните“ одигра 419 натпревари на кои постигна 108 голови и запиша 177 асистенции.