Дембеле прогласен за најдобар играч во Франција

Крилниот напаѓач на Пари Сен-Жермен, Усман Дембеле, е прогласен за најдобар играч за тековната сезона во Лиг 1.

Дембеле постигна 33 голови и имаше 13 асистенции за ПСЖ оваа сезона. Тренерот Луис Енрике го „опушти“ против Арсенал, а потоа „ја запали ракетата“ што ги однесе заедно во Минхен за финалето на Лигата на шампионите.

„Играњето поцентрално ме стави во срцето на играта и поблиску до голот, ми помогна да бидам посмирен во шеснаесетникот“, објасни Дембеле на церемонијата на доделување на наградите.

Тренерот на францускиот шампион, Луис Енрике, ја освои наградата за најдобар тренер. Крилниот напаѓач на ПСЖ, Дезире Дуе, е најдобар млад играч, а само најдобриот голман не доаѓа од „Паркот на принцовите“ бидејќи 23-годишниот голман на Лил, Лука Шевалје, беше прогласен за најдобар.