Новата сезона во првата македонска фудбалска лига започнува во петок, 8 август, со две големи пресметки, а натпреварите од првото коло ќе се играат и во сабота, недела и понеделник, одреди Фудбалската федерација на Македонија.
Сезоната ќе се отвори во Тетово, каде од 17:00 часот актуелниот шампион Шкендија ќе го пречека скопски Шкупи.
Само неколку часа подоцна, во Скопје, вечните ривали Вардар и Пелистер ќе се сретнат на Националната арена „Тодор Проески“ во Дербито на Македонија. Почетокот за оваа фудбалска класика е закажан за 20:00 часот.
петок, 8. август
17:00 часот
Стадион „Градски“ во Тетово
Шкендија - Шкупи
20:00 часот
Национална арена „Тодор Проески“ во Скопје
Вардар - Пелистер
сабота, 9 август
17:30 часот
Стадион „Башкими“ во Куманово
Башкими - Арсими
17:30 часот
Стадион „Градска плажа“ во Струга
Струга - Македонија ЃП
недела, 10 август
17:30 часот
Стадион „Градски“ во Кавадарци
Тиквеш - Работнички
понеделник, 11 август
17:30 часот
Стадион „Силекс“ во Кратово
Силекс - Брера Струмица