Дисциплинската комисија на Светската фудбалска федерација (ФИФА) ѝ одзеде 3 бода на Јужна Африка во квалификациите за Светското првенство 2026.
Како што објави ФИФА, за оваа репрезентација на 21 март против Лесото настапил фудбалер со парни жолти картони. Администрацијата на националниот тим на популарните „Бафана Бафана“ наравила голем пропуст, не провериле дека Тебохо Мокоена немал право на настап. Инаку, Јужна Африка го доби натпреварот со 2:1.
Откако ФИФА ја изрече казната го регистрираше натпреварот со 3:0 за Лесото. Со тоа, Јужна Африка ги изгуби бодовите освоени за победата и остана без бодови од овој натпревар.
Исто така, Јужноафриканската фудбалска асоцијација е казнета со 10.000 швајцарски франци.
Јужна Африка сега е на второто место на квалификациската група Ц со 14 бодови, како и првопласираниот Бенин, а Нигерија и Руанда имаат по 11.
До крајот на квалификациите, Јужна Африка гостува кај Зимбабве и ја пречекува Руанда. Победникот од групата ќе обезбеди директно пласман на Светското првенство, а второпласираниот ќе има шанса низ интерконтиненталниот бараж да се избори за место на Мундијалот во Канада, САД и Мексико.
