Македонската фудбалска репрезентација назадуваше на новата ранг-листа на ФИФА за најдобрите селекции во светот.
Македонија се наоѓа на 63. место, што во однос на претходното рангирање преставува пад од една позиција.
„Рисовите“ на почетокот на овој месец загубија од Саудиска Арабија (2:1) во пријателски натпревар и го победија Лихтенштајн (5:0) во квалификациите за пласман на СП.
Пред Македонија, меѓу другте на листата се Јордан, Ирска, ДР Конго, Саудиска Арабија, Ирак, Чиле, Мали, Јужна Африка…
На новата ранг листата на ФИФА има промени на врвот. Аргентина повеќе не е број 1, „Албиселесте“ сега се на третата поцизија. Нов лидер е Шпанија, пред Франција, додека Англија ја задржа четвртата позиција.
Португалија напредуваше за едно место и моментално е петта репрезентација во светот. Бразил падна на шестото место, по што следат Холандија и Белгија.
Хрватска го подобри својот пласман за едно место и сега е деветта на ранг-листата на ФИФА, додека Италија е на десеттата позиција.
Следната ранг-листа на ФИФА ќе биде објавена на 23 октомври.
