ФИФА најави шоу на три стадиони: Кејти Пери ќе настапи на отворањето на Мундијалот

Американската пејачка Кејти Пери ќе настапи на 12 јуни на стадионот „СоуФај“ во Инглвуд, Калифорнија, пред првиот натпревар од Светското првенство 2026, објави ФИФА.

На церемонијата пред натпреварот помеѓу САД и Парагвај ќе настапат раперите Фјучр и Рема, пејачките Лиса, Тила и Анита и диџеј Санџој. ФИФА синоќа објави забавни програми пред воведните натпревари во сите три земји домаќини на проширениот турнир со 48 екипи.

На свеченото отворање на турнирот помеѓу Мексико и Јужна Африка на 11 јуни на стадионот „Астека“ ќе настапат Тила, Алехандро Фернандес, Дени Оушн, Лила Даунс, Белинда, Џ. Балвин, како и групите „Los Ángeles Azules“ и „Maná“.

Канадските музички ѕвезди Аланис Морисет, Мајкл Бубле, Алесиа Кара и Џеси Рејес, заедно со други изведувачи, ќе настапат пред првиот натпревар на Канада против Босна и Херцеговина на стадионот „БиЕмОу Филд“. Церемониите се закажани да започнат 90 минути пред почетокот.

Светското првенство 2026 ќе биде број 23 во фудбалската историја, а ќе се одржи во три земји - Канада, САД и Мексико од 11 јуни до 19 јули годинава 

Турнирот ќе се одржи во 16 градови во овие три земји, 78 натпревари ќе се играат во САД, додека по 13 натпревари ќе се играат во Канада и Мексико.