Џенаро Гатузо е сè поблиску до назначување за нов селектор на италијанската фудбалска репрезентација.
Четириесет и седумгодишниот стручњак до неодамна го водеше Хајдук во борбата за титула во Хрватска, пред да го заврши соработката со клубот од Сплит.
Ситуацијата се разви по тешкиот пораз на Италија од Норвешка со 3:0, што дополнително го загрози пласманот на Светското првенство следната година. Италијанците ги пропуштија последните две изданија на турнирот, а по најновиот неуспех, позицијата на селекторот Лучано Спалети беше доведена во прашање. Иако првично доби поддршка од Сојузот, наскоро беше постигнат договор за негово заминување.
Потрагата по нов селектор продолжи. Кандидати како Клаудио Раниери, Стефано Пиоли и Роберто Манчини ја одбија можноста за преземање, па кругот на потенцијални наследници значително се стесни. Меѓу имињата се појавија Гатузо и Фабио Канаваро, двајцата поранешни членови на репрезентацијата која во 2006 година го освои Светското првенство. Според достапните информации од Италија, Гатузо е во предност.
Во изминатите денови, Гатузо редовно комуницираше со Џанлуиџи Буфон, поранешен соиграч и сегашен висок функционер на Италијанскиот фудбалски сојуз, кој силно го поддржува неговото доаѓање. Како што пренесува Микеле Криситиело, уредник на Sportitalia, по бројни разговори одлуката е практично донесена. Остава уште денешниот состанок со претседателот на Сојузот, Габриеле Гравина, на кој треба да се договори сè.
„Белиот чад се ближи“, напиша Криситиело и додаде дека можно е Гатузо веќе утре, в петок наутро, официјално да ја преземе функцијата селектор. Ова ја потврдува неговата често повторувана изјава дека тренерската работа е непредвидлива, од раскинот со Хајдук до можноста за водење на италијанската репрезентација, сè во рок од неколку дена.
