Ибра на „нула“: Облог си е облог

Поранешниот играч на Милан, Јувентус, Барселона, ПСЖ, Манчестер Јунајтед и Интер, Златан Ибрахимовиќ, сподели фотографија со великанот на американскиот фудбал, Том Брејди, на социјалните мрежи. 

На неа, Брејди држи машинка за стрижење, а на Златан му недостасува голем дел од косата. 

„Облог си е облог“, вели Ибрахимовиќ на своите социјални канали.

Сето тоа е дел од голема кампања на FOX Sports, телевизиската мрежа која се подготвува да го испрати Светското првенство со ѕвезден состав. 

Брејди и Ибрахимовиќ ќе бидат во студиото за време на натпреварот, како и Брус Арена, поранешниот тренер на американската репрезентација, и легендата на хокејот Мајк Ерузионе.

Сите тие се појавуваат во раскошната рекламна кампања на FOX.

Песната на Елвис The Impossible Dream се слуша во позадина, што заедно со рекламата сугерира дека чудата се можни, вклучително и освојувањето на Светското првенство од страна на САД.

„Златан е добар човек и многу се забавував снимајќи ја оваа реклама. Сите ќе го гледаат Светското првенство летово и едвај чекам да видам што може да направи нашиот американски тим против најдобрите во светот“, рече Брејди. Погледнете го промотивното видео.