Ѕвездата на Интер, Лаутаро Мартинес вели дека Хари Кејн е најдобриот централен напаѓач во светот, дури и подобар од Ерлинг Халанд, а приликата ја искористи и да му врати на Мурињо.
„Нема многу смисла да се споредуваат фудбалери од различни ери“.
La Gazzetta dello Sport го праша капитенот на Интер, Лаутаро Мартинес, кој е најдобриот централен напаѓач во светот во моментов: „Хари Кејн. Го ставам пред Халанд поради начинот на кој ја контролира топката, се поврзува и ја чита играта, како и поради неговите удари со глава; феномен е“, одговори Аргентинецот.
За време на истото интервју, Лаутаро зборуваше за својот приватен живот и кариера, откривајќи дека размислувал да го напушти Интер минатото лето по Светското клупско првенство. Додаде и дека нема да остане во фудбалот по пензионирањето.
Поранешниот тренер на Интер, Жозе Мурињо, освојувач на тројната круна на во 2010 година, неодамна изјави дека ниту еден играч во сегашниот состав на Интер не би бил стартер во неговиот легендарен тим , дури ни Лаутаро, бидејќи го претпочита неговиот сонародник Диего Милито.
„Секој има свои идеи. За мене нема многу смисла да споредувам фудбалери од различни ери“, одговори Лаутаро.
„Важно е да се размислува за доброто на Интер, без премногу да се слуша брборењето. Мора да се живее во сегашноста, што е многу. Толку многу.“
Интер ја обезбеди двојната круна во домашната конкуренција оваа сезона, освојувајќи ги Копа Италија и Скудетото, што го прославија со своите навивачи во парада со отворен автобус во неделата.
Лаутаро на коло пред крајот во Серија А е лидер на листата за најдобри стрелци со 17 голови, 4 повеќе од триото Маркус Турам, Дониел Мален и Анастасиос Дувикас, па тешко е за верување дека некој ќе му ја земе наградата капо канониере.
