Дарвин Нуњес (25) му се приклучи на Ливерпул од Бенфика во летото 2022 година за сума од 85 милиони евра. Така, тој стана најскапиот дојдовен трансфер во историјата на клубот. И покрај ова и тоа што има договор со „црвените“ до летото 2028 година, клубот повеќе не смета на него.
Фабрицио Романо го објави ова: „Нуњез се очекува да го напушти Ливерпул на лето. Клубот ја одби понудата од Ал Наср во јануари, но ќе ги разгледа сите опции во наредните месеци. Нуњес исто така е отворен за нов предизвик“.
Ливерпул плати рекордна сума за уругвајскиот напаѓач откако Нуњес имаше одлична сезона за Бенфика, но не успеа да повтори такви настапи во англискиот гигант. На 138 настапи за Ливерпул, тој постигна 40 и асистираше на 26 гола, но стана далеку попознат или неславен по своите бројни и големи промашувања.
Оваа сезона постигна и асистираше седум гола на 42 натпревари, но само 17 пати беше стартер. Трансфермаркт неговата вредност ја проценува на 50 милиони евра.
