Сите натпревари ширум лигите во машка и женска конкуренција закажани за викендот 18 и 19 октомври се одложени, а поради неможноста МВР да обезбеди полициско присуство.
Министерството за внатрешни работи ја информирало ФФМ дека поради одржувањето на локалните избори ширум Републиката нема да биде во можност да го обезбеди задолжителното полициско присуство на сите натпревари закажани за викендот кога се одржуваат и изборите.
Согласно тоа, ФФМ ги одложи сите напревари од првата лига, втората лига, петте третолигашки групи, општинските лиги, младинските, како и првата и втората лига за жени.
Ќе има поместувања во календарот, а веројатно некое коло ќе биде поместено во некоја среда.
