Навивачката група Мајмуни ја информираше јавноста за последните случувања околу прилепска Победа и нејзиното понатамошно учество во втората лига.
„И покрај сите наши напори за да не згасни нашата икона, не беше успешен нашиот напор... и покрај обезбеден тим кој можи да се носи најмалце до бараж, тоа не го дозволи некој 'голем главец'...
Ние како група застанавме позади секоја организација, но под услов ниту еден од претходната управа да не биди присутен сѐ до крајот на сезоната... изненадувачки, тоа го прифатија, иако е тоа само шанса да се тргнат од сите 'тупурдии' кои ги направиле.
Ние како група знаеме кој и колку е крив за лошото на овој клуб, но знаеме и кој колку ветуваше од 2014 па сѐ до денес, но сите си ја префрлуваа топката. Единствен начин да истите тие кои ветуваа спас на Победа да го променат мислењето кај прилепчани е следно: мора одговорност, јавно кој колку и каде наштетил!
Победа од денес има легенди од сите краеви, само не прилепчани од Прилеп! До следно видување...Мајмуни и Прилеп не забораваат“, објави навивачката група формирана 1997 година.
Додадоа дека „од несигурни извори дознаваме дека и Општина Прилеп ги побарале назад во нивната зграда клучевите од градскиот стадион... секоја чест“.
Втората лига почнува оваа сабота, а Победа треба да игра дома против Новаци. Клубот сѐ уште до ФФМ официјално не испратил допис дека се повлекува од натпреварување, како што од управата најавија пред една недела.
