Манчестер Јунајтед не бил вака лош 111 години, ќе одигра рекордно малку натпревари

Англискиот гигант Манчестер Јунајтед и во тековнава сезона сè уште се бори со проблемите кои започнаа пред 13 години кога легендарниот Сер Алекс Фергусон го напушти клубот.

Јунајтед бележи загуби, откако потроши речиси 2 милијарди евра на трансфери и смени 11 тренери, а во претходните 135 годинi смени само 20.

Откако Фергусон си замина, клубот освои два ФА купа, два Лига купа и еднаш Лига Европа, а негативните рекорди се зголемуваат недела по недела.

Последниот настан дојде по вчерашната елиминација од Брајтон & Хоув Албион во ФА купот, со што Јунајтед испадна и од другото куп натпреварување во Англија веќе во првото коло.

Испаѓањето од сите куп натпреварувања, како и неучеството во европските натпреварувања, значи дека Јунајтед ќе одигра само 40 натпревари оваа сезона, што е најмалку од 1915 година, кога одиграа 38.

Тоа беше сезона што заврши во пролетта 1915 година, пред англискиот фудбал да биде запрен четири години поради Првата светска војна.

Со оглед на сето погоре наведено, многумина веруваат дека веројатно е подобро за здравјето на навивачите на Јунајтед да гледаат што е можно помалку натпревари од нивниот сакан клуб.