Модриќ опериран: Крај на сезоната, на Светско ќе игра со маска

Навивачите на репрезентација на Хрватска добија лоши вести од Милано. Капитенот, Лука Модриќ, претрпе двојна фрактура на јаболчницата, поради што неговата сезона во дресот на Милан е завршена.

Иако првите информации предизвикаа стравувања дека неговиот настап на Светското првенство е доведен во прашање, заминувањето на Модриќ во Америка не треба да биде доведено во прашање и веројатно ќе игра со заштитна маска, пишува Večernji

Модриќ се повреди во судир со Мануел Локатели во дербито од 3. коло од Серија А помеѓу Милан и Јувентус (0:0).

Десет минути пред крајот Модриќ и капитенот на Јувентус се судрија во воздушен дуел. Капитенот на Јувентус мина добро, но Модриќ претрпе сериозен удар.

Повредата на Модриќ е голем удар и за Хрватска, но до првиот натпревар на Светското првенство остануваат уште 50 дена, па се очекува Лука да се опорави на време. Сепак, прашањето е како ќе биде по паузата. Денеска беше опериран, самата процедура поминала многу добро, а ситуацијата е дури и подобра од очекуваната. Лекарите се задоволни од исходот од операцијата, како и самиот Модриќ и селекторот на Хрватска, Златко Далиќ. Според тоа, се очекува првичната прогноза да се покаже како точна и Модриќ да треба да игра на Светското првенство во Канада, САД и Мексико, кое започнува на 11 јуни.

Дополнителна загриженост создава фактот што моментално надвор од теренот е и Јошко Гвардиол.