Мурињо: На Сити треба да му се одземе титулата од 2018 и да му се даде на Јунајтед

Доколку се утврди дека клубот ги прекршил одредбите за финансиски фер-плеј, тој мора да плати одредена казна за тоа дело, но бодовите што ги освоил на теренот не се одземаат.

Ова е правило кое моментално е на сила и кое сегашниот тренер на турски Ференбахче, Жозе Мурињо, не може да го прифати, бидејќи смета дека не е добро.

Португалецот, поточно, зборуваше за ситуацијата од Премиер лигата во 2018 година кога беше тренер на Манчестер Јунајтед, со кого го освои второто место, додека Манчестер Сити, за кој подоцна се докажа дека не работел по закон, беше шампион.

„Сè уште не можам да го разберам тоа. Ако некој клуб направи нешто што не треба, не треба да биде казнет, туку треба да му бидат одземени бодови. Затоа велам дека титулата треба да му се одземе на Манчестер Сити и да му се даде на Манчестер Јунајтед, кој заврши втор“, рече Португалецот.

Мурињо исто така најави дека во својот нов филм на Netflix ќе зборува за сите промени што се случија во Манчестер Јунајтед по заминувањето на Алекс Фергусон.

„Многу работи се случија, директорот на клубот, кој беше многу важен, си замина, дојде Дејвид Мојс, но дури кога мојот филм ќе биде објавен на Netflix, таа приказна ќе биде раскажана“, рече Мурињо.