Жозе Мурињо е посебен во секој поглед. Не за џабе го нарекуваат Специјалниот, бидејќи во средината на скандалот на натпреварот помеѓу Бенфика и Реал Мадрид, тој успеа да разговара и со Винисиус Жуниор и со Џанлука Престиани за тоа што било кажано што доведе до гнев на Бразилецот и 10-минутен прекин на првиот натпревар од осминафиналето на Лигата на шампионите.
„Разговарав со двајцата, Винисиус ми кажа едно, мојот играч ми кажа друго. Не можам да бидам левичар и да кажам дека му верувам на Престиани 100%, ниту можам да бидам десничар и да му верувам на Винисиус дека ја зборува вистината. Беше спектакл до голот. Почнавме одлично, Реал го промени натпреварот по половина час и доминираше. Винисиус постигна гол што само тој и Мбапе можат да го направат, а неговите соиграчи требаше да го носат на рамена, а не да се расправаат со 60.000 гледачи на стадионот“, рече Мурињо.
Во врска со црвениот картон што ќе го спречи да го предводи тимот во реваншот, Мурињо саркастично одговори:
„Бев исклучен затоа што реков нешто што е многу очигледно. Судијата имаше парче хартија на кое пишуваше дека Чуамени, Хујсен и Карерас можат да добијат жолт картон. Имам 1.400 натпревари зад себе и знам кога да видам кој може, а кој не може да добие жолт картон. Знам како функционира ова. Патем, Реал Мадрид заслужи да победи, а јас нема да дојдам затоа што не можам да седам на клупата, да одам во соблекувалната, да комуницирам со тимот. Тешко ми е, но асистентите ќе го одработат натпреварот.“
Реваншот во Мадрид се игра наредната среда.
