Најсилните европски фудбалски лиги започнуваат или веќе започнаа нова сезона, а шпанската Сегунда, или Ла Лига 2, се смета за најшарена на Стариот континент во моментов.
Шпанската Сегунда, иако е втора лига на оваа земја, е меѓу подобрите во Европа, ако не ги сметаме првите десет. Тука има многу квалитет, а многу великани на шпанскиот фудбал поминале низ ова ниво на натпреварување.
Минатиот викенд се одигра првото коло од Ла Лига 2, а оваа сезона во ова натпреварување ќе имаме вистинска разновидност што дава дополнителен шмек на оваа популарна лига.
Во новата сезона од натпреварувањето учествуваат еден странски тим, една шпанска енклава, два резервни тима од прволигашите, три островски клубови и еден клуб од поврзан остров.
Во лигата учествува Андора, професионален клуб од истоимената држава Андора кој се натпреварува во првенството на друга земја. Исто така, тука е и Сеута од истоимениот град-енклава на врвот на африканскиот континент кој периодов стана познат по големиот грам имигранти
Двата резервни тима се Реал Сосиедад Бе и Селта Фортуна, чии први тимови играат во елитното ниво на шпанското натпреварување.
Исто така, тука се и три островски клубови од различни острови. Мајорка од Балеарските Острови, како и Тенерифе и Лас Палмас од Канарските Острови.
Кадис е исто така интересна приказна, бидејќи клубот се наоѓа на поврзан остров. Тоа е град кој со Сан Фернандо на копното е поврзан со 11-километарски песочен рид.
Што се однесува до самата сезона, прв фаворит треба да биде Мајорка, која задржа добар дел од своите играчи откако испадна од Примера. Нормално, конкуренти за влез треба да бидат Алмерија, Лас Палмас, Жирона, Леганес, Кадис, Гранада, Ваљадолид...
Најубедливата победа во првото коло ја забележа клуб од друга земја. Андора ги изненади сите и ја победи Сеута со високи 5:1, што евентуално би можело да значи дека и тие ќе се борат за влез во елитата.
