Непредвидени проблеми за Аргентина: За во Ангола треба вакцинација, отпаднаа тројца

Триото репрезентативци од мадридски Атлетико, Молина, Алварес и Симеоне, не се вакцинираше против жолта треска и поради тоа отпадна од гостувањето во Ангола.

Аргентина прозорецот на ФИФА ќе го искористи за одигрување пријателска на гости кај Ангола во главниот град Луанда. Но, за влез во ова африканска зењмја е задолжителна вакцинација против жолта треска, што тројца играчи не го направија. Стануива збор за играчиуте Науел Молина, Хулиан Алварес и Џулиано Симеоне, сите од редовите на Атлетико.

„Тројцата фудбалери на Атлетико Мадрид се изоставени бидејќи не ги направија на време здравствените процедури поврзани со вакцината против жолта треска што им е потребна за да влезат во Ангола“, објави Аргентинската фудбалска асоцијација (АФА).

Со оглед на тоа што репрезентативци од Атлетико се и Тиаго Алмада и Николас Гонсалес, кои примиле вакцина, можеби станува збор за бојкот против вакцинација на отпаднатите тројца.

Згора на тоа, поради повреда отпадна Енцо Фернандес од Челси, а поради повреди повик не добија и Пауло Дибала (Рома) и Франко Мастантуоно (Реал Мадрид). Селекторот Лионел Скалони дополнителен повик упати за Емилиано Буендиа од Астон Вила.

Лео Меси прими вакцина против жолта треска и ќе отпатува за Ангола, исто како и Лаутаро Мартинес.

На списокот се и четворица што чекаат деби: Кевиј Мак Алистер (Унион Сен-Жилоаз), Максимо Пероне (Комо), Хоакин Паничели (Стразбур) и Џанлука Престиани (Бенфика).

Дуелот Ангола - Аргентина е закажан за петок, 14 ноември, на стадионот „11 де Новембро“ (капацитет: 48.500) во Луанда од 18 часот.

Претходно низа невладини организации бараа од АФА да не прифаќа натпревар во Ангола откако летоска 30 лица загинаа во протести во Луанда против зголемувањето на цените на горивата. Аргенбтина првично за ноември имаше закажано патување на Ориентот и дуели со Јужна Кореја и Јапонија, но ги откажа за да оди во Ангола, што ќе биде и единствен меч оваа пауза.