За време на дербито помеѓу Ал Наср и Ал Хилал, на трибините се случи сериозен инцидент, кога навивачите на Ал Наср, клубот за кој игра Кристијано Роналдо, упаднаа во ВИП ложата на противничкиот тим.
Според снимките што кружат на социјалните мрежи, ситуацијата во еден момент повеќе личеше на улична тепачка отколку на фудбалски натпревар, бидејќи некои навивачи мавтаа со стапови и предизвикаа целосен хаос меѓу присутните.
Иако на теренот беше видена голема борба помеѓу двата лути ривали, се чини дека вистинската драма беше видена на трибините.
🇸🇦 More wild footage from the Al-Nassr stadium chaos.
— Mario Nawfal (@MarioNawfal) May 13, 2026
Sticks swinging, fans charging, security overrun in the VIP section.
Forget the 90 minutes on the pitch.
The real action was in the stands😂pic.twitter.com/viMUuvZDyB https://t.co/os8UiheuWR
Саудиската професионална лига привлече огромно внимание од светската јавност во последните години со доаѓањето на големи ѕвезди, но инциденти како овој повторно го поставуваат прашањето за безбедноста на стадионите.
Да потсетиме дека големото дерби заврши 1:1, па прашањето кој ќе го освои шампионатот на Саудиска Арабија ќе се знае дури по последното коло, иако шансите на Ал Хилал се мали оти му требаше победа во директниот дуел.
Ал Наср имаше водство и секунди го делеа од прослава на титулата, но недоразбирањето во одбраната меѓу голманот Бенту и дефанзивецот Ињиго Мартинес по едно нафрлување резултираше со автиогол на бразилскиот голман во 8. минута од судиското надополнување.
Ал Хилал има меч помалку кој треба да го одигра в сабота дома против Неом, Доколку слави, ќе се доближи на само два бода од Ал Наср и ќе одлучува последното коло закажано за 21 мај. Тогаш Ал Хилал ѝ гостува на Ал Фајха, додека Ал Наср игра дома против Дамак, кој грчевито се бори за опстанок.
Табела:
