Македонската репрезентација до 20 години ќе биде дел од Медитеранските игри 2026 во Италија, каде што во групната фаза ќе се соочи со врсниците од Мароко, Тунис и Турција.
Избраниците на селекторот Александар Таневски ги очекуваат три натпревари во групата, а настапот на Игрите во Таранто ќе биде значајно меѓународно искуство за македонските фудбалери.
Македонија натпреварите од групата А ќе ги игра во Франкавила Фонтана и Бриндизи, градови во околината на Таранто кои ќе преземат дел од натпреварите, исто како и Лече.
Распоред на натпревари:
22 август, 21:00 ч.
Стадион „Џовани Паоло II*“ во Франкавила Фонтана
Тунис - Македонија
24 август, 21:00 ч.
Стадион „Џовани Паоло II*“ во Франкавила Фонтана
Турција - Македонија
26 август, 10:30 ч.
Стадион „Фануци“ во Бриндизи
Македонија - Мароко
Селекорот Александар Таневски за натпреварите на Медитеранските игри повика 18 фудбалери, од кои тројца интернационалци. Од домашните играчи, 8 се од втората лига, а 7 од прволигашите. Со оглед на тоа што Игрите не се во официјални термини, составувањето на репрезентацијата беше со добра волја на клубовите. Така, на пример, второлигашките натпревари на Тетекс против Работнички и оној меѓу Дет. Плачковица и Охрид Лихнидос се одложени поради тоа што секој овие клубови има по двајца играчи на списокот.
Голмани:
Стефан Јованоски - Млада Болеслав (Чешка)
Давид Илоски - Пелистер
Одбрана:
Златко Радески - Тетекс
Адис Мурати - Башкими
Давид Голубов - Дет. Плачковица
Лука Атанасовски - Тетекс
Андреј Велков - Тиквеш
Андреј Мурџески - Скопје
Средина:
Омар Беровиќ - Скопје
Никола Манојлов - Силекс
Виктор Делов - Беласица
Емир Шаботиќ - Дет. Плачковица
Харун Незировски - Хелсинбориј (Шведска)
Напад:
Димитар Данев - Вардар
Салим Арифи - Митровица (Косово)
Марко Николовски - Охрид Лихнидос
Давид Матески - Охрид Лихнидос
Андреј Стојановски - Скопје
*Стадионот го носи италијанското име на поранешниот папа Јован Павле II.
