Шведскиот репрезентативец Карл Старфелт доживеа необична неволја на почетокот на сезонава, бидејќи, верувале или не, беше надвор од терените два месеца поради мувла во неговата куќа.
Клупските лекари два месеца не можеа да ја утврдат причината за неговата болест, па клубот потоа започна подетална истрага и на крајот беше откриена сосема неочекувана причина за лошата здравствена состојба на шведскиот дефанзивец на Селта од Виго.
Имено, на ѕидовите во неговата куќа беше забележана тешка мувла, а лекарите заклучија дека тоа е причината за лошата состојба на стоперот.
Старфелт веднаш потоа се исели од куќата, а набрзо се опорави и од октомври почна да игра за Селта. Сега се врати и во репрезентацијата на Шведска.
🚨 𝗗𝗜𝗗 𝗬𝗢𝗨 𝗞𝗡𝗢𝗪: Celta Vigo player Carl Starfelt was sidelined for about 2 months due to persistent sickness that doctors struggled to pinpoint.
— The Touchline | 𝐓 (@TouchlineX) November 9, 2025
The club launched investigations into his condition, looking for an answer.
Severe mold was discovered in his house. The… pic.twitter.com/ziK9cqd7pK
Член на Селта од 2023 година, кога пристигна во трансфер вреден 5 милиони евра од шкотски Селтик, а денес е еден од заменик-капитените на шпанскиот тим.
Претходно играше за руски Рубин и шведските Јетебориј и Бромапојкарна, од каде што потекнува.