Норвешкиот напаѓач Ерлинг Халанд е убедливо најдобриот играч и најдобар стрелец на Манчестер Сити сезонава, со сите други во негова сенка, а тоа јасно го покажува еден крајно парадоксален факт.
Имено, вториот најдобар стрелец на Сити во Премиер лигата оваа сезона воопшто не доаѓа од тимот на „Граѓаните“, бидејќи е играч од сосема друг тим.
Халанд е неоспорен на врвот на листата на стрелци со 13 голови во Премиер лигата, а вториот, верувале или не, е дефанзивецот на Барнли со два гола постигнати за Сити.
Францускиот стопер Максим Естев постигна два автогола во натпреварот на Барнли против Сити, кога тимот од „Итихад“ славеше со високи 5:1, и иако тоа беше на 27 септември, ниту еден играч на Сити освен Халанд нема повеќе голови постигнато во Премиер лигата.
Нико О'Рајли, Матеуш Нунеш, Тиџани Рејндерс, Фил Фоден и Рајан Шерки постигнаа по еден гол за Сити.
И покрај сè, Сити е втор на табелата со 19 бодови, но веќе заостанува 6 зад лидерот Арсенал. Следниот натпревар на Сити е против Ливерпул, а ова големо дерби е закажано за недела од 17:30 часот.
