Во споредба со минатата сезона, Манчестер Сити моментално игра многу добро. Тимот на Пеп Гвардиола е втор на табелата во Премиер лигата. Тие се само два бода зад лидерот Арсенал по 18 кола. Сити се снаоѓа добро и во Лигата на шампионите, каде што се четврти и лесно би можеле директно да се квалификуваат во осминафиналето.
Пеп Гвардиола рече дека на неговиот тим, а и на него самиот, му недостасувала енергија минатата сезона за да ги достигне своите највисоки цели. Шпанскиот стручњак верува дека Сити е на добро ниво оваа сезона. Тој зборуваше за оваа тема на прес-конференција.
„Енергија, енергија, енергија. Јас бев првиот што ја изгуби енергијата минатата сезона. Почнавме да тренираме подобро и тоа се гледа. Можеме да зборуваме за играње со тројца играчи назад, со четворица играчи наазад, за бекови и крила, но тоа се глупости. Моравме да ја вратиме енергијата и да создадеме подобра атмосфера. Имаше нешто во маглата во Манчестер во нашиот тренинг камп што нè кочеше.
Нешто ни недостасуваше. Тренерите не се магионичари, не можете да магично да вклучите или исклучите нешто. Понекогаш е потребно време, а победите ги забрзуваат процесите. Сега имаме осум победи по ред во сите натпреварувања. Не е лесно, но се натпреваруваме како што знаеме и можеме. Сè уште треба да се подобриме, но нашиот менталитет стана подобар“, рече Гвардиола.
