По пензионирањето на Лионел Меси од репрезентацијата на Аргентина, едно од прашањата што се поставува е кој ќе ја носи десетката? Се чини дека селекторот Лионел Скалони има одговор.
Лионел Меси објави дека неговата репрезентативна кариера е официјално завршена со поразот во финалето на Светското првенство оваа година.
„Дадов сè. Немам што повеќе да дадам“, рече Лионел Меси, кој две долги децении го носеше дресот на националниот тим.
Прашањето е кој сега ќе ја носи култната 10-ка, која пред Меси ја прославија Марио Кемпес и Диего Армандо Марадона.
„Лионел Скалони останува селектор на Аргентина, како што се очекуваше. А, дресот со број 10 ќе го носи Нико Пас. Таа одлука е веќе донесена по внатрешни дискусии кои беа сфатени исклучително сериозно“, објави ESPN Аrgentina, повикувајќи се на свои извори.
Пас има само 21 година и веќе има одиграно 11 натпревари за сениорската репрезентација на Аргентина. Се смета за еден од најталентираните млади играчи во Европа.
Нико е роден во Шпанија, а неговиот татко, Пауло Пас, беше во составот на Аргентина на Светското првенство 1998 во Франција.
