Претепан судијата кој го запроси дечко му на натпревар пред 50.000 луѓе

Германскиот аматерски фудбалски судија Паскал Кајзер, кој му предложи брак на својот дечко Мориц на стадионот „РајнЕнерги“ претходниот викенд за време на натпреварот од Бундеслигата помеѓу Келн и Волфсбург, бил физички нападнат во својот дом.

Кајзер привлече големо внимание од јавноста кога неодамна му предложи брак на својот партнер пред речиси 50.000 гледачи.

Сепак, само една недела подоцна, Кајзер бил нападнат во својот дом, откако добил експлицитни закани во кои била вклучена и неговата адреса.

Кајзер ги пријавил заканите во полицијата, која наводно проценила дека нема непосредна опасност.

Само 20 минути по тој одговор, додека пушел цигара во својот двор, Кајзер бил нападнат од тројца мажи.

Напаѓачите, како што рекол, биле насилни и сега верува дека овој напад е директно поврзан со неговото јавно запросување и дека бил цел поради овој јавен чин.

Кајзер верува дека бил цел токму затоа што неговиот брак со неговиот партнер станал јавно прашање, а она што го доживеал предизвикало осуда низ целата земја.