Трофејниот тренер на Реал Мадрид, Карло Анчелоти, испрати проштална порака до навивачите на Кралскиот клуб, кој наскоро ќе го напушти за да стане селектор на Бразил.
„Денес повторно тргнуваме по различни патишта. Денес повторно го земам при срце секој момент што го проживеав во оваа прекрасна втора фаза како тренер на Реал Мадрид. Тоа беа незаборавни години, неверојатно патување полно со емоции, титули и, пред сè, гордост што го претставувам овој грб. Му благодарам на претседателот Флорентино Перес, на клубот, на моите играчи, на моите соработници и, пред сè, на еден уникатен навивач кој отсекогаш ме правел да се чувствувам како еден од нив“.
Она што го постигнавме заедно ќе остане засекогаш во сеќавањето на Мадридистите, не само поради победите, туку и поради начинот на кој ги постигнавме. Магичните ноќи на 'Бернабеу' се веќе дел од фудбалската историја. Сега започнува нова авантура, но мојата врска со Реал Мадрид е вечна. Се гледаме наскоро, Мадридисти!“, напиша Анчелоти.
Hoy separamos de nuevo nuestros caminos. Hoy de nuevo me llevo en el corazón cada momento vivido en esta maravillosa segunda etapa como entrenador del Real Madrid. Han sido años inolvidables, un viaje increíble lleno de emociones, títulos y, sobre todo, del orgullo de representar… pic.twitter.com/f2vmc3yEoJ
— Carlo Ancelotti (@MrAncelotti) May 23, 2025
Во својот втор мандат во Реал Мадрид од 2021 година, Анчелоти освои две титули во шпанското првенство, една Копа дел Реј, два шпански Суперкупа, две Лига на шампиони, два УЕФА Суперкупа, Светското клупско првенство и Интерконтиненталниот куп на ФИФА.
Во својот прв мандат, од 2013 до 2015 година, по еднаш ги освои Копа дел Реј, Лигата на шампионите, УЕФА Суперкупот и Светското клупско првенство.
