Фудбалерите на Пари Сен-Жермен ќе дојдат на натпреварот од eвропскиот Суперкуп против Тотенхем на 13 август (среда) во Удине без да одиграат ниту еден подготвителен натпревар.
Таа одлука ја донесе тренерот на европските шампиони, Луис Енрике, кој им го продолжи одморот на своите фудбалери за уште два дена.
ПСЖ ќе започне со тренинзи на 6 август и по само седум дена работа играчите ќе имаат можност да го освојат првиот трофеј во новата сезона.
Шпанскиот стручњак очигледно решил да ги награди играчите за брилијантните резултати што ги остварија минатата сезона.
„Светците“ ја освоија Лигата на шампионите за прв пат во историјата, ги собраа сите трофеи во Франција и стигнаа до финалето на Светското клупско првенство, во кое неочекувано загубија од Челси.
Ова ќе биде второ појавување на ПСЖ во Суперкупот на УЕФА откако играа во 1996 година кога загубија со вкупни 9:2 од Јувентус (тогаш се играа два натпревара).
