Додека повеќето фудбалери патуваат со луксузни приватни авиони и се фалат со тоа на социјалните мрежи, еден од најдобрите играчи во светот, Родри, повторно ја импресионираше јавноста со својата приземјеност.
Родри го заврши својот продолжен одмор откако ја предводеше Шпанија до титулата на Светското првенство 2026 и заслужено ја освои наградата за најдобар играч на турнирот. Се упати кон Манчестер, а начинот на кој го направи тоа го воодушеви фудбалскиот свет.
На социјалните мрежи се појави видео на кое се гледа како Родри, како и секој друг „обичен“ патник, трпеливо чека во ред за да се качи на нискобуџетен лет.
Снимките од аеродромот јасно го прикажуваат Родри во целосно опуштена, незабележлива облека - во обична сива маица, бели шорцеви и со капа свртена наопаку.
🛩️🇬🇧 Rodri, flying back to Manchester from Madrid while talks with Barcelona continue.
— Fabrizio Romano (@FabrizioRomano) August 13, 2026
World Cup Player of the Tournament, tonight boarding on Ryanair flight to Liverpool. ✈️@kippaxgirlemily 📸 pic.twitter.com/RLTdmcQQQe
Наместо ВИП терминал и приватен лет, шпанскиот ас избра доцна ноќен лет на Ryanair во 23:25 часот што лета од Мадрид до Ливерпул, аеродром кој е практично во близина на неговиот Манчестер.
Овој потег предизвика воодушевување кај навивачите, но за оние што ја следат кариерата и личниот живот на Родри, ова не е изненадување. За разлика од многу негови колеги, Родри е познат како нетипичен фудбалер: нема профили на социјалните мрежи, нема тетоважи, а додека играше во Шпанија студираше и живееше во студентски дом. Дури и тогаш возеше половна Opel Corsа што ја купил од постара госпоѓа.
Додека неговите колеги трошат стотици илјади евра на луксузни одмори и превоз, враќањето на Родри во Англија со Ryanair, со ранец и куфер за рачен багаж, докажува дека славата и парите не мора нужно да го променат човекот. Во светот на модерниот фудбал каде што ароганцијата и луксузот станаа секојдневие, скромноста на Родри е вистинско освежување.
Родри ќе се појави на тренингот на Манчестер Сити, но прашање е дали ќе го видиме во дресот на „Граѓаните“ во новата сезона. Барселона е заинтересирана за него и веќе испрати две понуди, но беа одбиени. Сити не сака да го продаде за помалку од 80 милиони евра и ќе видиме дали двата гиганта на крајот ќе се согласат.
Претходно Родри беше пред трансфер во Реал Мадрид, но сепак ја одби понудата откако слушна дека Барса е заионтересирана. Инаку, Родри сениорскатра кариера ја почна во Вињареал, а играше и за Атлетико. Во младиските категории играше за Виљареал и Атлетико, а почна во Рајо Махадаонда.
