Родри (29), клучен играч од средниот ред на Манчестер Сити, претрпе уште една повреда што ќе го принуди да биде надвор од теренот подолг период.
Шпанскиот фудбалер го повреди мускулот за време на натпреварот против Ал Хилал на Светското клупско првенство, што предизвика загриженост кај навивачите и техничкиот персонал на клубот.
Тренерот на Сити, Пеп Гвардиола, сега ја коментираше ситуацијата на Родри пред англиските новинари: „Родри се чувствува подобро, но претрпе сериозна повреда против Ал Хилал. Тренираше подобро, се надеваме дека по репрезентативната пауза во септември ќе биде целосно подготвен.“
Родри е актуелниот освојувач на Златната топка, кој претрпе сериозна повреда на лигаментите на коленото на крајот од 2024 година, поради што го пропушти остатокот од сезоната. Тоа беше и најлошата сезона на Сити во однос на резултатите во последните години, што многумина го поврзуваат со неговото отсуство.
Родри беше клучен играч за Шпанија во нивната потрага по европското злато минатата сезона, а Сити со нетрпение го очекуваше неговото враќање во игра за време на Светското клупско првенство, но сега тој ќе мора повторно да се подложи на рехабилитација. Тој има уште две години од договорот со Сити, а англиските медиуми сè повеќе објавуваат дека Реал Мадрид е заинтересиран да го потпише.
