Роналдо го постигна најубавиот гол откако пристигна во Саудиска Арабија

Кристијано Роналдо уште еднаш покажа зошто многумина го сметаат за еден од најдобрите фудбалери на сите времиња.

Во натпреварот од 27. коло на Саудиска Про лига, неговиот Ал Наср го совлада Ал Ријад со резултат 2:1, а Роналдо ги постигна двата гола за својот тим.

Ал Ријад поведе со голот на Селемани во втората минута од судиското надополнување на првото полувреме. Сепак, Роналдо го сврте резултатот во второто полувреме, постигнувајќи два погодоци во периодот од 56. до 64. минута.

Посебно впечатлив беше вториот гол, кога Роналдо спектакуларно го зафати волејот и ја испрати топката во мрежата.

Топката му дојде во широк лак, а тој одлично ја фати и го постигна еден од најубавите голови во кариерата и најубав откако беше во Саудиска Арабија.

Овој гол предизвика возбуда кај навивачите и на социјалните мрежи каде многумина го нарекоа „гол на годината“.

Инаку, ова беше негов 933 гол во кариерата и 32 гол сезонава.