Селекторот на фудбалската репрезентација на Македонија, Гоце Седлоски, одржа прес-конференција пред утрешниот натпревар со Шкотска, во рамките на третото коло во Лигата на нации.
Мандатот на Седлоски како селектор на националниот тим, засега е катастрофален. Македонија одигра шест натпревари, два пати ремизираше, запиша четири порази, но она што загрижува е што Македонија со новиот селкетор сè уште нема постигнато гол.
Циклусот во Б дивизијата, во Лигата на нации, Македонија го започна со поразите од Швајцарија (3:0) и Словенија (2:0).
Селекторот, во пресрет на натпреварот прптив Шкотска, побара од јавноста да ги поддржи фудбалерите и уште еднаш потврди дека намерата е да продолжи со процесот на подмладување.
„Екипата е значително подмладена, а во договор со Федерацијата, тој процес ќе продолжи. Критиките нека бидат упатени кон мене. Целта е да создадеме нови играчи кои ќе го носат тимот, тој процес не може да се случи преку ноќ“, рече селекторот Седлоски.
