Шпански медиуми: Мурињо веќе постигнал договор со Реал Мадрид

Сагата околу Мурињо и Реал Мадрид продолжува. Според шпанските медиуми, Флорентино Перес и сегашното раководство веруваат дека Жозе Мурињо е единствениот тренер кој може да го смири хаосот во соблекувалната и да ја врати контролата врз тимот кој е сериозно потресен од внатрешни конфликти во последните месеци.

Португалскиот стручњак наводно во четвртокот постигнал конечен договор со мадридскиот гигант, а неговата официјална презентација се очекува следната недела. Според португалските медиуми, Мурињо ги информирал челниците на Бенфика во неодамнешните разговори дека не планира да остане во Лисабон, и покрај обидите на претседателот Руи Кошта да го убеди да се предомисли.

Бенфика би требало да заработи околу 7 милиони евра отштета од неговото заминување, додека Марко Силва се споменува како главен кандидат за нов тренер на португалскиот клуб.

Враќањето на Мурињо во Мадрид со денови е една од главните теми во шпанските спортски медиуми, а дополнително е поттикнато од информациите дека Перес се сретнал со агентот на Мурињо неколку пати во последните недели. Иако некои извори тврдат дека Португалецот не е меѓу сериозните кандидати поради барањата што ги поставил, луѓето од врвот на клубот наводно веруваат дека тој е единствената личност со доволно авторитет да воспостави ред во соблекувалната.

Ситуацијата во тимот, според шпанските медиуми, станала исклучително напната кога тренер бил Шаби Алонсо. Наводно, некои од играчите ја изгубиле довербата во баскискиот стручњак во тоа време, а проблемите продолжиле да растат и по неговото заминување.

Според овие информации, тензиите го достигнале својот врв по конфликтот меѓу Чуамени и Валверде, што дополнително покажало колку била нарушена атмосферата во тимот.

Незадоволството се прошири и на трибините, каде што некои навивачи почнаа отворено да го критикуваат Мбапе. Многумина веруваат дека францускиот напаѓач има премногу влијание врз клубот, па дури е покрената и петиција со која се бара негово заминување од Реал Мадрид.

Според шпанските медиуми, оваа иницијатива собрала дури 30 милиони потписи за многу кратко време.