Симеоне и син му нападнаа дефанзивец на Арсенал кој го згазна грбот на Атлетико

Тренерот на Атлетико, Диего Симеоне, физички го нападна дефанзивецот на Арсенал, Бен Вајт, откако тој газеше на грбот на мадридскиот клуб на теренот на „Ванда Метрополитано“.

Овој инцидент се случи по синоќешниот напнат прв натпревар од полуфиналето на Лигата на шампионите, кој заврши со резултат 1:1.

Симеоне одеше зад Вајт кон тунелот и, заедно со еден од неговите играчи, се налути кога забележаа дека дефанзивецот не го заобиколи грбот на Атлетико отпечатен на тревникот.

Видео што го објави Marca го прикажува темпераментниот аргентински тренер како неколку пати го плеска Вајт по грбот, го фаќа за рака и го турка.

Потоа Вајт се сврте кон Симеоне и вербално возврати, по што интервенираше обезбедувањето, а англискиот фудбалер продолжи кон соблекувалната.

AS додаде дека играчот на Арсенал бил нападнат и од синот на Симеоне, Џулијано, кој е десно крило на Атлетико.

За потсетување, во шпанскиот фудбал, клупските грбови на теренот се сметаат за свети и од играчите се очекува да избегнуваат даа ги згазнат од почит.