Хрватското првенство доби нов заплет во претпоследното коло. Иако се чинеше дека Хајдук нема шанси, тимот од „Пољуд“ со победата над Ријека (2:1) остана во трката за пехарот, но реално со најмали шанси да дојде до него.
Во исто време, Ријека ја испушти првата меч топка, но и покрај поразот од Хајдук, тимот предводен од клупата од Радомир Ѓаловиќ е сè уште прв фаворит, а ќе има пресметка пред своите навивачи против Славен Белупо во сабота.
Во исто време, Динамо игра против Вараждин, додека Хајдук ќе патува во Шибеник.
Со оглед на тоа што сите три екипи имаат шанса за шампионската титула, челниците на ХНЛ се во проблем оти потребно е да се организира доделувањето на пехарите и медалите.
Сепак, постои план. Првиот е на трите стадиони да бидат испратени реплики од трофејот и медалите, кои би се користеле за церемонијата, а потоа тие би биле заменети со оригиналните.
Втората опција е спектакуларна, речиси филмска, и вклучува хеликоптер кој, во зависност од резултатите, би го носел трофејот до местото каде што ќе се прославува шампионската титула. Било да е тоа Риека, Загреб или Шибеник.
Табела:
