Жуау Канселу испиша историја: Единствен со титули во 4 од најдобрите 5 лиги во светот

Жуау Канселу нема големо име или харизма како некои други фудбалери, но победата на Барселона во Ел Класико против Реал Мадрид го катапултираше на самите височини на европскиот клупски фудбал, како играч со најмногу освоени титули во лигите од Големата петорка.

Пред крајот на сезоната 2025/2026 во Ла Лига тој го освои шпанското првенство, а преттоа беше шампион на Италија со Јувентус (во 2018/2019 година), ја освои Премиер лигата со Манчестер Сити (2020/2021, 2021/2022, 2022/2023) и Бундеслигата како член на Баерн (2022/2023), нешто што досега никој не успеал да го направи. Дополнително, беше и шампион на португалската Примејра со Бенфика (2013/2014).

Со ова достигнување ги надмина Кристијано Роналдо (шампион на Шпанија, Англија, Италија), Дејвид Бекам (Премиер лига, Ла Лига, Лиг 1), Златан Ибрахимовиќ (Шпанија, Италија, Франција), Кингсли Коман (3), Тјери Анри (3), Артуро Видал (3), Дани Алвес (3), Максвел (3), Клод Макелеле (3) и Сами Хедира (3).

Канселу моментално е на позајмица во својот сегашен клуб, но постои голема веројатност дека Жоан Лапорта и неговиот менаџмент ќе го откупат тековниот договор од Ал Хилал. Или ќе договорат нов циклус на привремена работа за Португалецот на неговата сегашна адреса. 

„За мене, Барселона е најголемиот клуб во светот и местото каде што сакам да останам. Некој ме измами во Ал Хилал. Ми рекоа дека ќе бидам регистриран во ПРО лигата на Саудиска Арабија, а потоа ме изоставија. Решив да продолжам понатаму, еве ме, ја освоив титулата со Барселона и навистина сум среќен. Не се сомневам дека сакам да играм на 'Камп Ноу' во иднина“, истакна португалскиот играч.

За да ја комплетира колекцијата пехари од Топ 5 лигите му фали само уште титула во француската Лиг 1. На 27 месецов ќе наполни 32 години, па има време во иднина за нов трансфер и да се проба и во Франција...

 

 

 

 

View this post on Instagram

 

 

 

 

 

 

 

 

 

 

 

A post shared by Lance! (@lancedigital)

А, меѓу тренерите, Карло Анчелоти е апсолутен лидер, бидејќи Италијанецот барем еднаш бил шампион во сите Топ 5 европски лиги.